Lis oparis di Serena Debegnach a “Invasions artistichis”

Ancje in Dicembar al torne il progjet “Invasions artistichis. Zovins artiscj in biblioteche” che al nas de colaborazion tra la Agjenzie Zovins dal Comun di Udin e la biblioteche civiche Joppi cun chê di dâi acet ai zovins artiscj di chenti. Par plui di un mês, di fat, la sezion moderne de Joppi e proponarà une esposizion dedicade a Serena Debegnach. La esposizion e sarà vierte al public tai stes oraris di acès ae biblioteche (il lunis di dôs dopomisdì a siet di sere, di martars a vinars di 8 e mieze di buinore a siet di sere), a partî dai 16 di Dicembar fintremai i 31di Zenâr dal 2014.