Libris in regâl par scuelutis e bibliotechis

Regalâ libris aes scuelis de infanzie e ae rêt des bibliotechis di Udin e dai Comuns dulintor par incressi la presince di libris di cualitât intai lûcs frecuentâts dai frutins fin ai sîs agns. Al è il fin di une iniziative metude adun de sezion fruts e fantats de biblioteche civiche Joppi e des librariis Feltrinelli, Friuli, Giunti, Moderna, La Pecora Nera e Ubik. Plui in detai si invidin i citadins a comprâ un libri framieç dai titui selezionâts di bibliotecaris e libraris e a lassâlu intai spazis di pueste che a son intes librariis di maniere che a sedin po dâts fûr intes variis scuelutis e bibliotechis cjapadis dentri de iniziative. Il progjet, partît inte setemane di “Nassûts par lei”, al larà indenant par dut il mês di Dicembar.