Dimissions CdA de Amga, il coment dal sindic

Cuntune letare rivade la matine di vuê, martars ai 17 di Dicembar, il president de societât Amga, Paolo Cerutti, e i membris dal Consei di Aministrazion de partecipade dal Comun Claudio Angeli, Sandro Caporale e Cristina Papparotto, a àn comunicât lis lôr dimissioni “irevocabilis”. Lis dimissions a jentraran in vore cui 24 di Dicembar. Savude la gnove il sindic Furio Honsell al à declarât: “O ai une vore di displasê intal cognossi cheste decision che e ven presentade come definitive. O pues duncje dome disi graziis al president e ai conseîrs par dut il lavôr impuartant che a àn fat fin a vuê. Cumò o viodarìn di nomenâ in curt un CdA gnûf”. Intal Consei di Aministrazion a restin ancjemò in cjarie Miguel Antonañzas nomenât de societât Eon e Giorgio Cudicio par cont di Friuli Energie.