Cualchi zornade di polse pai servizis comunâi pai zovins

Pes fiestis di Nadâl ancje i servizis pai zovins gjestîts dal Comun di Udin si cjapin cualchi zornade di polse. I spazis des “Officine Giovani”, dedicâts massime ae creativitât e ae musiche, a restaran sierâts dai 23 di Dicembar ai 6 di Zenâr. Plui curte invezit la polse dal “Informagiovani”, sportel informatîf dedicât massime ae formazion e al lavôr, che dai 27 ai 31 di Dicembar al sarà sierât al public. Il “Punto Incontro Giovani” di viâl Forze Armate e “Il Poliedro” di plaçâl Valle del But a sieraran dome ai 24 e ai 31 di Dicembar. Dutis lis informazion su lis ativitâts di chescj servizis si pues cjatâlis su la sezion dedicade ai zovins dal sît internet dal Comun di Udin.