In curt convenzion tra Comun e Ordin dai avocats
La Comission pes politichis sociâls dal Comun e à fat savê, par mieç dal assessôr Antonio Corrias, che in curt e sarà fate buine une convenzion jenfri Comun e Ordin dai avocats par judâ lis feminis che a àn patît violencis. Intal specific la convenzion e previodarà pes personis seguidis dal servizi comunâl Zero Tolerance la pussibilitât di gjoldi dal jutori legâl, si varà po la ativazion di un servizi di reperibilitât par mieç di un operadôr 24 oris su 24, intant che i puescj jet dai centris di acet a passaran di 6 a 12 cuntune distribuzion in diviersis areis de citât. Zero Tolerance al è un servizi che intai ultins dîs agns al à ufiert percors par saltâ fûr di situazions di violence a 830 feminis.