Servizis comunâi, viertiduris sot fiestis

Il Comun al vise che vinars ai 27 di Dicembar, joibe ai 2 e vinars ai 3 di Zenâr ducj i uficis a saran sierâts fale che par cierts servizis di fonde tant che cimitieris, denunciis di nassite e di muart, e polizie locâl. In particolâr, i uficis de anagrafe a fasin savê che in câs di urgjence si puedin otignî certificâts o cjartis di identitât alì dai sportei di vie Beato Odorico da Pordenone ancje intes zornadis dai 24, 30 e 31 di Dicembar, cul orari normâl. Il sportel de casse de polizie municipâl al sarà invezit sierât martars ai 31 di Dicembar par permeti di sierâ lis operazions contabilis dal an. Par chel che al rivuarde i museus invezit, il Cjistiel, il Museu Etnografic, Cjase Cavazzini, la galarie fotografiche “Tina Modotti” e lis galariis di Palaç Morpurgo a saran sierâts il prin e ai 6 di Zenâr, intant che l’ultin dal an a tignaran viert fin une dopomisdì. La ex glesie di S. Francesc, là che si pues visitâ la mostre “Biodiversitas”, e sarà vierte di dîs e mieze di matine a sîs sot sere ancje la dì de Pifanie. Il PuntoInforma comunâl di vie Savorgnane al varà invezit une polse plui lungje: al sarà sierât ai 27 di Dicembar e po il prin, i 2, i 3 e i 6 di Zenâr.