Ultin dal an in Zardin Grant cun musiche e fûcs

Musiche, divertiment e spetacul pirotecnic a son i ingredients metûts adun dal ufici turisim dal Comun e de societât Pregi pe fieste dal ultin dal an in program in Zardin Grant. Si tacarà a balâ a dîs di sere cuntun dj set, tor undis al sunarà invezit il grup ‘Cindy & the Rock History’. Plui o mancul dîs minûts prime de miezegnot, la presentadore uficiâl de serade, Giorgia Bortolossi, i darà la peraule aes autoritâts pai salûts e pai auguris, cui intervents dal sindic Furio Honsell e dal assessôr Alessandro Venanzi. Il brindis di miezegnot al sarà compagnât dal spetacul pirotecnic cui fûcs trats de culine dal cjistiel. La gnotolade in place e larà po indenant ancjemò par cualchi ore cu la animazion musicâl. Par cui che al vûl un ultin dal an a sotet, invezit, alì dal teatri Palamostre, a partî di dîs mancul un cuart di sere, si varà il spetacul “Amleto” proponût de compagnie “Anà-Thema” cu la regjie di Luca Ferri.