Vuast l’implant eletric dai museus dal cjistiel

De sere di Nadâl, l’implant eletric dai museus dal cjistiel al è vuast. I tecnics dal Comun e lis ditis che a viodin de manutenzion ordenarie a son daûr a lavorâ par comedâlu, ma par cumò il Museu archeologjic, la Galarie di art antighe, il Museu dal Risorgimento e la Fototeche a restin sierâts. Par mieç dal servizi doprât par garantî la energjie pai events estîfs che si davuelzin sul splaç dal cjistiel si à rivât a alimentâ il sisteme di sigurece dai museus e chel cuintri dai fûcs, ma par tornâ a vierzi lis esposizions al public si varà di spietâ che al vegni comedât l’implant principâl.