A son di gnûf vierts i museus dal Cjistiel

Il Comun al fâs savê che al è di gnûf atîf in maniere regolâr l’implant eletric che al da energjie ai Museus Civics dal Cjistiel. A tacâ di miercus ai 8 di Zenâr a tornin duncje a vierzi al public dutis lis salis dai museus che a son in Cjistiel, ven a stâi la Galarie di art antighe, il Museu dal Risorgimento, la Fototeche e il Museu archeologjic. Dut l’implant al jere saltât la sere dai 25 di Dicembar par vie di un sbalç di tension che al veve causât dams a doi trasformadôrs di tension pe energjie eletriche.