L’assessôr Pirone sui finanziaments pal pali dai students

L’assessôr pe culture dal Comun, Federico Pirone, al è intervignût tal dibatiment sui finanziaments regjonâi pal pali dai students inmaneât dal “Teatro Club” di Udin. “O ricognossìn ae Regjon di vê inviât une revision dal sisteme regjonâl de culture, ma ta cheste suaze no si pues fâ di mancul di un confront diret cui operadôrs culturâi e di chei progjets che a garantissin l’acès ae culture de bande des gnovis gjenerazions – al à dite Pirone – il pali dai students al è tra chescj e duncje la aministrazion comunâl e je pronte par fâ la sô part par poiâlu e par garantî la sô continuitât”.