Pm10 sore dai limits, riscjaldament a 18 grâts

La Agjenzie Regjonâl pe Protezion dal Ambient e à comunicât al Comun la prevision di un superament dai valôrs di atenzion di pm10 intal aiar almancul fin ai 11 di Zenâr. Par solit chest al varès puartât la aministrazion a meti in vore misuris di limitazion de circolazion, ma cul Plan di Azion Comunâl lis misuris par ridusi l’incuinament causât dal trafic a son za in vore. Il superament dai nivei di polvars lizêrs al puarte invezit consecuencis pal riscjaldament dai edificis, là che la temperadure massime no à di passâ i 18 grâts. A son fûr de limitazion i edificis cun cualificazion energjetiche di categorie B o plui alte, in plui di ospedâi, clinichis, cjasis di cure, scuelis e alozaments là che a vivin personis che a patissin di malatiis cronichis.