Pali dai students, incuintri tra Pirone e il Teatro Club

“Tal incuintri di doman cul assessôr regjonâl Gianni Torrenti, il Comun di Udin al domandarà ae Regjon di tornâ a meti sù il contribût pal Teatro Club prime de publicazion dai bants in maniere di meti in sigurece i impegns cjapâts pe stagjon 2013-2014, ven a dî la ativitât dal pali dai students e de stagjon Akropolis. Se un tant nol ves di jessi pussibil par vie dai timps strents, la aministrazion comunâl e je pronte a sapontâ il pali dai students dal 2014”. Al è ce che al à dite l’assessôr comunâl pe culture, Federico Pirone, ae fin dal incuintri che si è tignût vuê cul diretîf dal Teatro Club.