Pm10 inmò sore dai limits, riscjaldament a 18 grâts

La Agjenzie Regjonâl pe Protezion dal Ambient e à fat savê che il superament dai nivei di atenzion di pm10 intal aiar al larà indenant almancul fin ai 13 di Zenâr. Chest al vûl dî che, su la fonde dal Plan di Azion Comunâl, il riscjaldament intai edificis nol varà di passâ i 18 grâts. A restin fûr di cheste limitazion dome i edificis cun cualificazion energjetiche di categorie B o plui alte, i ospedâi, lis clinichis, lis cjasis di cure, lis scuelis e i alozaments là che a vivin personis cun malatiis cronichis.