Ai 13 si vierzin lis iscrizions pai cors di natazion

Lunis ai 13 di Zenâr si vierzin lis iscrizions telematichis pai cors di natazion inmaneâts dal Comun pai fruts nassûts intai agns che a van dal 2000 al 2010. In dut a son 300 i puescj disponibii dividûts su 11 turnis che si tignaran alì de pissine Tomadini e intal implant comunâl di vie Pradaman a partî dai 11 di Fevrâr. Lis iscrizions a àn di jessi fatis sul sît internet dal Comun, alì de direzion www.comune.udine.it , a partî di 9 di matine dai 13 di Zenâr e fin 5 dopodimisdì dai 16 di Zenâr. Informazions plui in detai sui cors si lis cjate sul sît dal Comun, tes sedis des Circoscrizions e alì dal PuntoInforma di vie Savorgnane.