Ex caserme Piave, in curt a saran sierâts ducj i acès

“Dentri de setemane che e ven, a varessin di partî i lavôrs par comedâ i mûrs di cente de caserme Piave par mieç di un stanziament dal Comun di sù par jù 40 mil euros che a son za in belanç”. Lu à dite il sindic, Furio Honsell, ae fin de riunion dal Comitât provinciâl pal ordin e pe sigurece publiche che si è tignude ai 16 di Zenâr. In curt, in acuardi cun RFI e cul consorzi Ledre Tiliment, a saran fats ancje altris intervents par impedî l’acès ae aree dismetude. Cun di fat, par jentrâ in maniere abusive ta cheste aree, a vegnin doprâts ancje un toc di ferovie e de roie.