Vie libare par slargjâ la aree de parochie di S. Marc

Il Comun di Udin al à fatis buinis, inte riunion straordenarie de Zonte dai 22 di Zenâr, lis liniis vuide pe concession di un aree comunâl ae parochie S. Marc. Si trate di une aree di 1200 metris cuadrâts logade dongje dal curtîl dal oratori tra vie Cadore e vie Tarcento, di proprietât dal Comun, che di timp la parochie e veve domandât la disponibilitât par podê davuelzi ativitâts parochiâls. Fate buine la istrutorie e sarà sotscrite une convenzion tra il Comun e la parochie.