Sabide di sere vierte la Ludoteche comunâl

A van indevant lis viertiduris serâls de Ludoteche comunâl. Sabide ai 25 di Zenâr, di vote e mieze di sere a undis e mieze (20.30 – 23.30) la “cjase dal zûc” di vie del Sale e sarà a disposizion dal public cui siei passe 500 zûcs par ducj i guscj e dutis lis etâts. Si va dai zûcs par fameis a chei di logjiche e strategjie, dai zûcs di peraulis a chei di cjartis, dai zûcs di abilitât a chei cooperatîfs. No mancjaran nancje i zûcs di popui e culturis di altris paîs dal mont e i zûcs di inzen e di costruzion. Cun di plui, dentri de Ludoteche, e je presinte ancje une aree specifiche pai fruts plui piçui. Par altris informazions al è pussibil contatâ l’ufici Ludobus al 0432 271677-756 o il PuntoInforma dal Comun al numar 0432 414717-718.