Si invie il cartelon di “Teatri di Unvier”

Cun sabide ai 25 di Zenâr al scomence il cartelon di “Teatri di Unvier” che, fin ai 15 di Març, al previôt intai finâi di setemane almancul un event teatrâl intes diviersis circoscrizions de citât. La iniziative, promovude dal assessorât pal decentrament dal Comun, e previôt dodis apontaments in cinc sîts diferents. Il program al sarà une vore variât, cun di fat si va de rivisitazion di un classic di Molière ae tradizion napoletane di Eduardo Scarpetta, de comedie brilante par furlan fin ai spetacui par fruts. A vierzi il program a son: sabide ai 25 di Zenâr a cinc e mieze dopomisdì (17.30) alì dal auditorium Bellavitis, il spatacul “Benvenuti al castello”; e domenie ai 26 di Zenâr, simpri a cinc e mieze dopomisdì (17.30) ma inte sale Comelli di viâl Volontari della Libertà, une parodie da “Gli sposi promessi”, curade de associazion “Sport, Cultura e Spettacolo San Marco”.