Moments formatîfs par disabii, intese fin al 2015
La Aministrazion comunâl e à rinovât il protocol di intese cu la Aziende pai Servizis Sanitaris dal Friûl di Mieç che e permetarà ai educadôrs dal Centri socioriabilitatîf educatîf “La Terza via” di lâ indenant a imbastî, cul jutori des Circoscrizions e de ASS, dai moments formatîfs par disabii. “Il protocol – e à spiegât la assessore pai dirits, pe inclusion sociâl e pal decentrament, Antonella Nonino – al permetarà di continuâ la ativitât svilupade cun sucès ta chescj agns par cjapâ dentri i utents disabii dal Centri socioriabilitatîf educatîf intun pocjis des ativitâts curadis dai uficis comunâi pe animazion sul teritori”. Cun chest sprolungjament, il protocol di intese al rivarà fintremai sul finî dal 2015.