Gnove viertidure serâl pe Ludoteche comunâl

A van indevant lis viertiduris serâls de Ludoteche comunâl. Vuê di vot e mieze a undis e mieze di sere (20.30 – 23.30) la Ludoteche di vie dal Sale e je a disposizion dal public cui siei passe 500 zûcs par ducj i guscj e par dutis lis etâts. Si va dai zûcs par fameis a chei di logjiche e strategjie, dai zûcs di peraulis a chei di cjartis, dai zûcs di abilitât a chei cooperatîfs. No mancjin nancje zûcs di popui e culturis dai altris paîs dal mont, di inzen e di costruzion. Cun di plui, dentri de Ludoteche, e je une aree dedicade ai fruts plui piçui. Par altris informazions al è pussibil contatâ l’ufici Ludobus (tel. 0432 271677-756) o il PuntoInforma (tel. 0432 414717-718) dal Comun di Udin.