In partence lis iscrizions pai cors di ativitât motorie

Dopo dal sucès des edizions stadis, ancje chest an a tornin i cors di ativitât motorie par adults e anzians promovûts des Circoscrizions di Udin. Lis iscrizions a tachin joibe ai 6 di Fevrâr. In dut a son nûf i turnis disponibii che a cambiin daûr dal orari e de zornade. I cors a tacaran ai 17 di Fevrâr e a laran indenant fin sul finî di Mai in vot palestris citadinis (Zardini in vie Padova, S. Domenico in vie Massaua, Carducci in viâl Tricesimo, D’Orlandi in vie Sabbadini, Vecchiatto in vie S. Pietro, Zorutti in vie XXX Ottobre, 4 Novembre in vie Magrini, e Fermi in vie Pradamano). Lis tarifis par iscrivisi a son diviersis e a son ancje previodûts dai sconts par cui che al à une certificazion Isee dai 30 mil euros injù. Intal moment de iscrizion al covente ancje presentât il certificât medic di idoneitât ae pratiche sportive no agonistiche. Par vê informazions plui in detai si pues lâ a viodi sul sît internet dal Comun www.comune.udine.it o alì dal PuntoInforma di vie Savorgnane.