Gnûf sît internet dal Comun

Miorâ la comunicazion in rêt e i servizis pal citadin cun procès di progjetazion e di realizazion dal gnûf sît internet inte otiche di un percors indreçât a di une partecipazion simpri plui grande di citadins. Cheste la finalitât des liniis di indreçament pal gnûf sît internet de Aministrazion comunâl fatis buinis îr de Zonte. Un sît, fat a partî dal CMS (Content Management System) “open source” nomenât Joomla , cun contignûts svilupâts in piçui sîts o gnovis pagjinis web. La progjetazion e la realizazion dal gnûf sît a saran fatis dal personâl interni de Aministrazion e, duncje, no saran coscj in plui pes cassis comunâls.