Za passe nûf mil visitadôrs a Cjase Cavazzini

A son za passe 9 mil lis personis che di Otubar incà a àn visitât Cjase Cavazzini, il gnûf Museu di Art Moderne e Contemporanie di Udin. Un sucès che i Museus Civics a àn decidût di celebrâ cul sprolungjâ la prime mostre temporanie che e à cjatât acet intal plan tiere dal palaç. La mostre “Metamorphosis – Le collezioni Moroso fra design e arti visive” si podarà cussì visitâ fin ai 21 di Zenâr e no fin ai 13 cemût che si previodeve sul imprin.