Partecipazion al bant provinciâl pai Sprai
La Zonte comunâl e à deliberât di partecipâ al bant provinciâl par otignî un contribût pal servizi di gjestion dai Sportei polifunzionâi in rêt pal acet e pe integrazion (Sprai). I Sprai, che in comun di Udin a son cumò gjestîts de societât cooperative Eurostreet di Biella, si indrecin massime ae popolazion di divignince foreste par ativitâts di informazion, di orientament e di jutori par gjestî lis pratichis di caratar burocratic e aministratîf.