Dai 27 di Fevrâr ai 2 di Març “Costumi e sapori del mondo”

Dopo dal sucès des edizions stadis, ancje chest an il Carnevâl udinês al sarà insiorât di “Costumi e sapori del mondo”, la manifestazion che e propon produzions tipichis che a rivin de Italie e dal mont. La iniziative e je in program dai 27 di Fevrâr ai 2 di Març in Marcjât Vieri. “Costumi e sapori del mondo”, inmaneât de societât Flash cu la poie dal Comun, e proponarà cuatri zornadis compagnadis di musiche, bai, zûcs par fruts e prodots tipics. “O vin volût puartâ cheste iniziative in Marcjât Vieri – al spieghe l’assessôr pes ativitâts economichis e turistichis, Alessandro Venanzi –. ancje par judâ a rilançâ cheste aree de citât”. La Aministrazion comunâl, in plui dal patrocini, al à concedût ae iniziative une riduzion dal 40% dal cjanul pe ocupazion di teren public.