Visitis vuidadis ai Museus di prenotâ dentri dai 20

Al è timp fintremai i 20 di Fevrâr (dentri di cinc dopomisdì) par prenotâ lis prossimis visitis vuidadis inmaneadis dal servizi didatic dai Museus Civics dal Comun. Une visite e je in program sabide ai 22 di Fevrâr, tra undis e misdì (11.00 – 12.00), alì dal Museu Archeologjic dal Cjistiel (il cost al è di 7.50 euros). Une altre e je programade la zornade dopo, domenie ai 23 di Fevrâr, tra undis e misdì e mieç (11.00 – 12.30), alì de mostre “Stars and Stripes. Arte americana dagli anni ‘70” che si pues viodi a Cjase Cavazzini fintremai i 30 di Març (ancje achì il cost al è di 7.50 euros). Par informazions e prenotazions si pues contatâ il servizi didatic dai Museus al 0432 414749 o ae direzion di pueste eletroniche didatticamusei@comune.udine.it .