Videocontrol, plui colaborazion tra Comun e polizie

Intant de riunion di vuê dal Comitât pal ordin public e pe sigurece, coordenât dal prefet Provvidenza Delfina Raimondo, il Comun al à condividût cun ducj i orghins di polizie dal Stât i risultâts di un censiment dai implants di videocontrol urban logâts intai edificis di proprietât comunâl in maniere di inviâ la planificazion di un program par valorizâ al miôr cheste rêt di implants. Il sisteme di videocontrol in sens stret al è formât di 43 telecjamaris indotadis di zoom e colegadis ae sale operative de polizie locâl, ma a chescj implants a van po zontadis altris 297 telecjamaris a circuit sierade. Chest pas, al à spiegât l’assessôr pe inovazion Gabriele Giacomini, al è impuartant par meti in pîts une rêt di promozion de sigurece che e cjapi dentri ducj i sogjets che a lavorin par rindi plui sugûr il teritori comunâl.