Riunion de taule di confront cu lis categoriis economichis

Riunion vuê de taule di confront cu lis categoriis economichis là che a àn partecipât rapresentants de Cjamare di cumierç, Confcumierç, CNA, Confartesanât, Turismo FVG, UdineIdea, consorzi “Amici del centro”, associazion dai gjestôrs di albiercs, Confesercents e FederEventi. L’obietîf – al à spiegât l’assessôr pes ativitâts economichis e turistichis Alessandro Venanzi – al è chel di fâ scuadre e coordenâ i events e lis iniziativis par rivâ a miorâ la competitivitât de ufierte comerciâl e turistiche de citât, massime intun moment là che lis risorsis a disposizion a son scjarsis. Si à fat duncje il pont sui prossims events di inmaneâ e sui intervents di planificâ inte logjiche dal centri comerciâl naturâl. Intant dal incuintri si à ancje decidût di cjatâsi une volte al mês in maniere di mantignî continuatîf il confront.