Al vie i prins intervents intes stradis

Al è pront par tacâ il gnûf plan comunâl des asfaltaduris, par intervignî su lis criticitâts principâls des stradis citadinis. I uficis dal Comun a àn za progjetât e afidât lis primis oparis. A tacâ par prins a saran i intervents in plaçâl de stazion, in vie Marsala, in plaçâl Cella, in vie San Rocco e intune trate di vie Boccaccio, cuntune spese complessive di 54 mil euros. In curt a saran afidâts altris lavôrs urgjents par sù par jù 90 mil euros, in particolâr in Cjavrîs, a chescj si zontaran altris 2 intervents cuntune spese complessive di 850 mil euros, progjetâts intal 2012 ma fers par vie dal pat di stabilitât. Chest ultin bloc di intervents al previôt 25 gnovis asfaltaduris. Il plan al cjape dentri dutis lis circoscrizions citadinis: inte Prime si intervignarà su viâl delle Ferriere, inte Seconde Circoscrizion su viâl Venezia, intes viis Ferrari, San Rocco, Bonini e Milano. I intervents in Tierce Circoscrizion a rivuardaran vie Sbaiz e vie Valeggio. In Cuarte Circoscrizion i lavôrs a interessaran vie Magenta e vie Lupieri, intant che in Cuinte si intervignarà su vie Veneto, vie Selvuzzis e vie Lavariano. Lavôrs ancje in Seste Circoscrizion in vie Campoformido, vie Zugliano, vie San Pietro e in vie Castions di Strada. In Setime Circoscrizion, ae fin, i cantîrs a interessaran vie Faedis, vie Pieri, vie Feletto, vie Emilia e vie Romagna. A chescj intervents si zonte po la sistemazion de viabilitât dai Riçs .