Nomenâts 11 conseîrs di cuartîr

Joibe ai 27 di Fevrâr il sindic Furio Honsell al à presentât i gnûfs undis conseîrs delegâts di cuartîr. Siet di lôr a son espression dal PD, trê de liste Innovare e un di SEL. Pe prime Circoscrizion, che e cjape dentri il centri di Udin, al è stât nomenât Hosam Aziz, pai Riçs e Villaggio del Sole Maria Teresa Azzarà, pe cuinte Circoscrizion Mario Barel, pal Peep Est e vie Riccardo Di Giusto Federico Filauri, par Udin Sud Chaira Gallo, par S. Roc, S. Pauli e S. Svualt Eleonora Meloni, par Cjavrîs e Ancone Monica Paviotti, par Godie e Beivars Mario Canciano Canciani, pe aree des viis Cividale e Laipacco Matteo Mansi, par Padier e la zone di vie Colugna Michele Vicario, e par S. Domeni e il centri studis Massimo Ceccon. Il compit dai conseîrs delegâts al è chel di fâ di colegament tra lis esigjencis dai cuartîrs e dai borcs citadins e la aministrazion comunâl.