Pas indenant par viodi su Internet lis riunions dal Consei

Dopo des sperimentazions dai agns stâts, il Consei comunâl al è dongje a vierzi ai citadins lis sôs riunions ancje su Internet. Cun di fat, su propueste dal assessôr pe inovazion Gabriele Giacomini, ai 4 di Març la Zonte comunâl e à fat bon il regolament su ripresis audiovisivis, regjistrazion e difusion des riunions dal Consei che cumò, par jentrâ in vore, al spiete dome il vie libare de Assemblee citadine. “Cun cheste azion – al spieghe Giacomini – si vûl vierzi lis puartis dal Consei a ducj i citadins e saborâ plui che si pues la partecipazion dal public vie streaming”.