Letare ae fondazion Morpurgo Hoffmann sul hospice

Il Comun al conferme la impuartance di lâ indenant cul progjet dal hospice, par rivâ a vê prime che si pues in citât une struture residenziâl pes curis e pe assistence des personis che si cjatin intune fase finâl di malatie e sul finî de vite. Al è chest il contignût de letare che il sindic, Furio Honsell, e la assessore pe salût, Simona Liguuori, a àn presentât al president de Fondazion Morpurgo Hoffmann, Beppino Colle, intun incuintri clamât dongje a palaç D’Aronco. Al è interès primari de Aministrazion comunâl- al à dite il sindic – valutâ il progjet dai 15 puescj jet dal hospice e il program de sô realizazion. Par chest si domande di partecipâ al plan edilizi, che si augurisi che al sedi fat dentri di 30 dîs. Inte Comission consiliâr clamade dongje pai 13 di Març, il president de Fondazion al inzornarà sul lâ indenant dal progjet. L’ hospice al è, di fat, un grop impuartant de rêt teritoriâl des curis paliativis. La volontât de Regjon di garantî ae citât la struture – al à zontât Honsell – e je stade marcade ancje de assessore regjonâl pe salût, Maria Sandra Telesca, e dal diretôr regjonâl pe salût, Ariano Marcolongo, intant de riunion de Comission consiliâr dai 7 di Fevrâr.