Domandis pal rimbors des spesis pe eletricitât

Al è timp fintremai ai 30 di Avrîl par presentâ lis domandis di acès al rimbors des spesis vudis vie pal 2013 pe furnidure di energjie eletriche. Il benefici, che si riferìs aes faturis tra il prin di Zenâr e i 31 di Dicembar dal 2013, al è risiervât ai titolârs di Cjarte Famee. L’impuart dal contribût al sarà fissât de Regjon une volte che a saran rivadis dutis lis domandis. Par consegnâ la domande si pues indreçâsi aes Circoscrizions, al sportel Cjarte Famee di vie Stringher 14 e al sportel Sissu alì dal Centri polifunzionâl Micesio, ma ancje par mieç di letare racomandade al Comun in vie Lionello 1 o ae direzion di pueste eletroniche certificade protocollo@pec.comune.udine.it.