Convenzion par sburtâ a teatri fameis e fassis plui debulis

Promovi cun iniziativis pe famee e cun condizions facilitadis pai anzians e pes fassis plui debulis de popolazion l’acès ai spetacui teatrâi. Al è chest l’intindiment che al è daûr dal acuardi di colaborazion sotscrit dal assessôr pe salût e pe ecuitât sociâl Antonio Corrias e dal president de Fondazion dal teatri gnûf Giovanni da Udine, Tarcisio Mizzau. La intese si riferìs ae stagjon teatrâl 2012-2013 e si svilupe su plui azions Pes fameis si previôt biliets cuntune tarife speciâl e un servizi di baby sitting. Facilitazions pal acuist dai biliets a son po in program pes fameis cuntun Isee sot dai 16 mil euros e pes associazions e pai ents convenzionâts cul Comun che a viodin des personis indenant cui agns o in condizions di disasi. Par promovi chestis azions la aministrazion comunâl e à metût a disposizion il so sportel informatîf dai servizis sociâi e i uficis des circoscrizions.