Protocol di intese cu la Universitât e la Aziende Sanitarie

Il Comun, la Universitât dal Friûl e la Aziende Sanitarie dal Gurizan a àn sotscrit il protocol di intese “Comunicare la salute. Percorsi di consapevolezza nel sistema territoriale per la salute”. Il progjet, finanziât dal Comun cun 13 mil euros, al à chê di inviâ procès di benstâ inte popolazion zovine e di intervignî intal cjamp de prevenzion e dai stîi di vite, cuntune atenzion particolâr pes dipendencis e par abitudins pericolosis pe salût. Il plan al previôt di meti sù une serie di struments di comunicazion che a doprin internet – dal ûs dai social networks ai ‘seminaris in rêt – ma ancje la creazion di videos e di aplicazions par veicolâ informazions su lis ativitâts e sui contignûts dal progjet e incuintris cun miedis inmaneâts dal Centri regjonâl di formazion pe aree des curis primaris, la Ceformed di Monfalcon. Cun di plui, su la Rêt, al sarà ancje metût sù un portâl cun blogs e forum.