Edilizie scolastiche, prioritât ai lavôrs te Fruch e te Ellero

A front de prospetive fate indenant dal guvier talian che si vierzin spazis finanziaris gnûfs pe edilizie scolastiche, la aministrazion comunâl di Udin e à indicât al esecutîf vuidât di Matteo Renzi doi intervents prioritaris. Si trate di lavôrs za aprovâts e assegnâts, ma che a son fers par vie dal pat di stabilitât. Si fevele dai lavôrs di slargjament e di ristruturazion de scuele primarie Fruch par un cost totâl di un milion e 250 mil euros, e de metude in sest de scuele secondarie di prin grât Ellero là che la spese e sarès di un milion e 938 mil euros.