Confermadis lis misuris pes fameis in stât di dibisugne

Il Comun al met a disposizion un font di 135 mil euros par judâ lis fameis cun almancul cuatri fîs cuntune etât sot dai 26 agns e cuntune atestazion Isee che no passi i 30 mil euros. Lis spesis che si ponte a tignî sù a son chês leadis ai servizis educatîfs, aes spesis par abonaments pai traspuarts publics e servizis, spesis sanitariis, utencis pe furnidure de aghe e pe racuelte des scovacis. Lis fameis interessadis a puedinn presentâ domande di acès ai contribûts a tacâ di vinars prin 1 di Fevrâr e fin lunis ai 25 di Fevrâr, clamant daurman i servizis sociâi di Udin par fissâ un apontament li dal centri polifunzionâl Micesio. Tal complès la aministrazion comunâl e metarà a disposizion 135 mil euros, integrant lis risorsis regjonâls cun fonts propris par 20 mil euros.