Adesion al progjet “Go-On-Italia”

Il Comun al à aderît al progjet “Go-On-Italia”. Udin e je la prime citât taliane che e à aderît al progjet talian inviât di “Wikitalia” pe difusion de culture digjitâl, pal ûs dai dâts publics, pe trasparence e pe partecipazion dai citadins aes sieltis aministrativis. Il Comun- al à dite l’assessôr pe Inovazion e pal Svilup economic, Gabriele Giacomini- al intint svilupâ lis pussibilitâts ufiertis de rêt, di internet e des tecnologjiis plui resintis de informazion e de comunicazion, inte otiche de inovazion, de trasparence e de partecipazion dai citadins. Il progjet al ponte a miorâ lis competencis digjitâts dai citadins e des impresis. La Regjon Friûl-VJ e je la prime a svilupâ il progjet e lu fasarà su 4 as principâi: i students, lis personis cun plui di 54 agns, lis impresis piçulis e mezanis e la Aministrazion publiche. Fin cumò a an aderît ae iniziative Comet, il Consorzi Friuli Innovazione, Ditedi, l’ Ires, il Centri Solidarietà Giovani “Giovanni Micesio”, la Universitât de Libare etât dal Friûl-VJ, Media Educazione e la Comunitât e Mod-o.