Sucès de campagne di diagnosi energjetiche dai edificis

 Sucès de campagne di “diagnosi energjetiche dai condominis cun implant centralizât” puartade indenant dal 2012 di ECOndominio cu la colaborazion dal Comun e de sezion udinese de Associazion taliane aministradôrs condominiâi e imobiliârs (Anaci). La campagne, puartade indenant a Udin e in Provincie, e à cjapât dentri 16 condominis. I intervents di ricualificazion a puartaran a un sparagn energjetic medi dal 26%, a un sparagn economic medi dal 41%, o sei 190 mil euros al an. Il Comun- al à dite il sindic, Furio Honsell- al è rivât a centrâ i obietîfs fissâts dal Pat dai Sindics, il progjet de Union Europeane che al impon ae citât l’obietîf di ridusi di plui dal 20% lis emissions di gas dentri 2020.