Young People’s Business a Udin dai 24 ai 30 di Març

Dai 24 ai 30 di Març Udin i darà acet a trente creatîfs che a rivin di vot paîs diviers (Argjentine, Brasîl, Filipinis, Kenya, Italie, Gjermanie, Polonie e Slovenie) par partecipâ a Young People’s Business, il percors di formazion sul teme de gjestion economiche e finanziarie intal cjamp creatîf. Il progjet, che al è stât presentât vuê di buinore, al à la poie de Union Europeane e al è inmaneât de associazion todescje Starkmacher intune cu la associazion culturâl Modo, cu la colaborazion dal Comun di Udin. La iniziative e ponte a judâ chei zovins che a vuelin svilupâ e promovi la lôr ativitât imprenditoriâl in maniere inovative.