La mostre Stars & Stripes sprolungjade fin ai 25 di Mai

In trê mês a son stâts plui di 4 mil i biliets vendûts pe mostre “Stars & Stripes. Arte americana dagli anni Settanta” che e je daûr a davuelzisi alì di Cjase Cavazzini. Denant di cheste rispueste une vore positive de bande dal public e ancje des scuelis, il Comun al à decidût di sprolungjâ la sô durade. La esposizion duncje no sierarà ai 30 di Març, cemût che si previodeve, ma e larà indenant fin ai 25 di Mai. Si pues visitâle ogni dì, fûr che il lunis, di dîs e mieze di matine a cinc dopomisdì (10.30 – 17.00). Il vinars e la sabide si ten viert fintremai siet sot sere (19.00).