Gjestion cantîr in Zardin Grant joibe in Comission belanç

Il president de Comission comunâl pal belanç e pe programazion, Enrico D’Este, in cunvigne cul sindic, Furio Honsell, al à decidût di clamâ dongje par joibe ai 10 di Avrîl (17.30) une riunion de Comission stesse par discuti de esecuzion dal apalt par fâ sù il parc machinis sot tiere in Zardin Grant. Ae riunion a son stâts clamâts a partecipâ ancje Giovanni Paolo Businello e Pierluigi Pellegrini, president e diretôr gjenerâl de societât Sistema Sosta e Mobilità, la partecipade dal Comun che e à la incarghe di viodi dai lavôrs. Dopo de sostituzion dal Responsabil Unic dal Procediment – al à spiegât D’Este – al jere util vê la ocasion par sclarî ben la operazion.