Lunis di Pasche mirinde in Zardin Grant

Chest an si podarà passâ il lunis di Pasche in citât. Ta chê zornade, di fat, in Zardin Grant in graciis di une iniziative metude adun de associazion Friuliidee cu la colaborazion dal Comun, de Net e dai animadôrs dal Luna Park al sarà pussibil fa mirinde al viert e sore nuie. Par prenotâ il puest si pues iscrivisi scrivint ae direzion di pueste eletroniche picnicaudine@gmail.com . Lunis ai 21 di Avrîl ducj i iscrits a podaran presentâsi in place a tacâ di 9 di buinore. Dilunc vie de zornade in Zardin Grant a saran vierts ancje diviers barachins enogastronomics.