Indenant la campagne pe distribuzion de Cjarte Zovins

E va indenant la campagne dal Comun pe distribuzion a gratis de Cjarte Zovins che e permet a fantats e fantacins tra i 14 e i 29 agns di vê facilitazions e sconts in buteghis, centris sportîfs, palestris, pissinis e centris culturâi sei a nivel locâl che internazionâl. Par vêle baste lâ alì dal servizi Informagiovani di viâl Ongjarie 39, cuntun document di identitât valit, cuntune foto tessare e, tal câs dai frutats cun mancul 18 agns, cuntun gjenitôr. Par informazions e sclariments baste telefonâ al 0432 292329 o lâ sul sît cartagiovani.net/convenzioni.php. La distribuzion de Cjarte e rivarà insom ai 31 di Mai.