Partîts i ultins lavôrs par meti in sest il “Dal Dan”

Dentri de prime metât dal prossim mês l’implant sportîf “Luigi Dal Dan” di Padier al varà a disposizion dai camarins pai atletis ristruturâts di plante fûr. I lavôrs di manutenzion straordenarie a son stâts consegnâts vuê cu la presince dal sindic Furio Honsell. I intervents alì dal “Dal Dan” a àn za puartât a meti in sest la piste di atletiche e a fâ sù une piste par alenâsi cun jerbe artificiâl, une jentrade gnove, dôs struturis pai magazens e pe bilietarie, percors pavimentâts e un splaç cuviert. Lavôrs là che la Aministrazion comunâl e à metût passe 100 mil euros. “Dentri dai prins dîs di Mai ancje i camarins pai atletis a saran finîts – al à dite Honsell – cussì intal implant si podaran davuelzi in maniere regolâr dutis lis garis”.