Assemblee publiche su la viabilitât in vie Cantore

Une assemblee publiche sui temis de mobilitât in vie Cantore e je stade clamade dongje dal assessôr comunâl pe Mobilitât e pal Ambient, Enrico Pizza, e de conseire comunâl delegade di cuartîr, Monica Paviotti. La assemblee, dulà che a son stâts invidâts i residents dal cuartîr e je in program lunis ai 14 di Avrîl a sîs e mieze sot sere (18.30) alì dal bar Gorizia di vie Cantore, 57. Intant de riunion, dulà che a son stâts invidâts ancje i tecnics dal Servizi Viabilitât dal Comun, a saran presentadis des propuestis su temis tant che, par esempli, la istituzion dal sens unic, i parcs machinis e la piste ciclabile.