Te scuele “Maria Forte” i jutoris de Crôs Rosse

Il Comun al à metût a disposizion de Crôs Rosse, pe sô ativitât di distribuzion di mangjative e vistîts, lis stanziis de scuele de infanzie “Maria Forte” in vie Riccardo Di Giusto. Ta cheste maniere si à podût tornâ a inviâ il servizi che al jere fer di cuant che, un mês indaûr, il Comitât provinciâl de Crôs Rosse si veve trasferît di vie Sabbadini intun gnûf stabil in vie Marsala. Îr di matine la assessore comunâl pe salût, Simona Liguori, e à fat un sorelûc sul puest par verificâ il stât dai locâi, adun cul dirigjent comunâl pal patrimoni, Lorenzo Agostini, e cuntune delegazion de Crôs Rosse vuidade dal president Sergio Meinero.