Par cumò nol è pussibil vê un cuartîr judiziari a Udin

“La realizazion di un cuartîr judiziari e je part de nestre vision de citât. Dut câs mi displâs che a vegnin cjapâts sot gjambe ducj i problemis leâts aes oparis publichis che in dì di vuê a pesin su lis ativitâts dai Comuns, a partî dal pat di stabilitât che nol permet plui di inviâ dai mutuis”. Cussì il sindic, Furio Honsell, al rispuint al Ordin dai avocats di Udin che al riclame l’impegn cjapât dal prin citadin in campagne eletorâl. “Vuê come vuê, dopo dal trasferiment dal tribunâl di Tumieç a Udin, lis spesis a son coladis dutis lis spalis dal Comun dal moment che ni il Stât, ni altris ents ses son cjapadis sù” al à zontât Honsell che però al à ancje sigurât che in curt al clamarà il president dal Ordin dai avocats, Andrea Galberti, par inzornâlu su la evoluzion de logjistiche pal Tribunâl, pe Procure, pai uficiâi judiziaris, pai magjistrâts di control e pai stes avocats.