Comun finalist intal Premi Smart City 2014

Il Comun di Udin al sarà finalist intal Premi Smart City 2014, dedicât aes aministrazions plui inovativis e ai miôr esemplis dal setôr public, che al sarà assegnât joibe ai 17 di Avrîl a Padue, inte suaze de fiere Smau. La aministrazion furlane e je rivade in finâl in gracie dal progjet Re-freedom (Rêt funzionâl pe ricercje e pe sperimentazion di servizis inovatîfs pe domiciliaritât) svilupât dal Comun, de Rino Snaidero Scientific Foundation e di Friuli Innovazione.