Bant par partecipâ ae Zornade mondiâl dal zûc

Ancje chest an il Comun di Udin al vûl partecipâ ae Zornade mondiâl dal zûc promovude de Associazion internazionâl des ludotechis. L’apontament al è in program sabide ai 31 di Mai e domenie prin di Jugn cuant che la citât e ponte a deventâ une vitrine par chel dirit al zûc ricognossût de convenzion internazionâi sui dirits dai fruts. La Aministrazion comunâl e cîr duncje colaborazions par proponi ativitâts ludichis par ducj i citadins, a tacâ di chei plui piçui. La partecipazion e je vierte a iniziativis di sogjets publics e privâts che a sedin in stât di gjestî in maniere autonome e autosuficiente incuintris, laboratoris, esposizions, proiezions, animazions, propuestis ludichis – sportivis e altris ativitâts che a vedin il zûc tant che ispirazion. Ducj i interessâts a àn di inviâ ae Aministrazion comunâl il modul di partecipazion dentri dai 28 di Avrîl. Il bant e i modui si ju cjate sul sît www.comune.udine.it. Par vê informazions plui in detai si pues contatâ l’ufici Ludobus al 0432 271687 / 271677 o ben ae direzion ludoteca@comune.udine.it .